Начин на објавата на Кур’анот
На кои начини е спуштан Кур’анот?
Од Светиот Кур’ан накусо го знаеме следното за начините на објавата: Оваа Небесна Книга е објавувана во форма на говор. Возвишенот Аллах говорел со благородниот Пратеник и тој го примал тој говор во целост, не според своето сфаќање. Возвишениот Аллах вели:
На ниту еден човек не му е дадено Аллах да му се обраќа, освен преку вдахновението, или зад превез, или да прати пратеник кој, со Негова дозвола, го објавува тоа што Тој го сака! – Тој навистина е Возвишен и Мудар! Ние на таков начин и тебе ти го објавуваме тоа што ти се објавува.Ти не знаеше што е Книга, ниту што е верување, но Ние ја направивме светла помош на која ги упатуваме од робовите Наши тие што сакаме. А ти, навистина, упатуваш на Вистинскиот пат.[1]
Во цитираните ајети наведени се три начини на обраќање на Возвишениот Аллах. Со анализа на првиот ајет, заклучуваме дека првиот начин на објава, значи вдахновението, не се однесува на некое посебно место, додека третиот начин на објавата, испраќањето на мелеци на пратениците, се однесува на Пратеникот. с.а.в.а. Тие три начини или форми на обраќање на Аллах џ.ш кон луѓето се класифицираат според следниот редослед:
- Обраќање во кое нема посредник помеѓу Аллах и човекот.
- Обраќање кое се одвива зад превезот како што е Кур’анскиот пример за дрвото Тур каде што Муса а.с го слушал Божиот Говор од онаа страна.
- Обраќањето кое што го пренесува мелек и го доставува на човек. Мелекот тој говор го слуша како Објава и зборува со говорот на Аллах. Друг ајет потврдува дека Кур’анот објавен на Пратеникот е според третиот начин и од тоа дознаваме дека, објавата на Кур’анот течела на начин кој вклучувал говор и усно обраќање. Возвишениот Аллах вели:
Поверливиот Џибрил го донесува, на срцето твое за да опоменуваш, на јасен арапски јазик.[2]
Кој му е непријател на Џибрил?А тој со Аллахова волја, тебе Кур’анот на срце ти го става?[3]
Од овие ајети се заклучува дека, Кур’анот во целост или еден дел е доставуван со посретство на мелекот на Објавата Џибрил, Со доверлив Дух, а тое е третата форма на Божиот Говор, како и тоа дека, Пратеникот, с.а.в.а, Објавата ја примал од мелекот во своја и нејзина потполност и со најдлабокиот дел од своето битие, а не според своето сфаќање.
Возвишениот Аллах вели:
И го објави на Неговиот роб тоа што му го објави, срцето не го негираше тоа што го виде, па зошто се расправате со него за тоа што видел?[4]
На друго место, Кур’анот објавата ја опишува како рецитирање на испишани листови или плочи:
Пратеник од Аллах кој рецитира листови чисти[5]
[1]Еш-Шура, 51-52
[2]Еш-Шуара, 193-195.
[3]Ел-Бекаре, 97
[4]Ен- Неџм, 10,12
[5]Ел-Бејјине, 2.