Љубовта кон Ехли бејт
Која е наградата за Пратениковото пратеништво?
Не може да се изрази сомневање во обврзувачката љубов кон Претениковиот с.а.в.а. Ехли бејт. Во ајетот Меведдех, љубовта кон Пратениковото с.а.в.а. семејство претставена е како награда за Пратениковото с.а.в.а. пратеништво.
قُل لَّا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى.
Речи: „За ова не барам никаква друга награда од вас, освен љубовта за блиските!“[1]
Во овој ајет под изразот блиски (курба) се мисли на личностите поради кои е спуштен ајетот за прочистувањето.
Ибн Хаџер Ел- Мекки, после пренесување на ривајетот за обврзувачкото искажување на љубовта кон Ехли бејт, вели: „Од претходните хадиси станува јасна обврската за искажување љубов кон Ехли бејт и најстрога забрана за искажување омраза кон нив.“
Бејхеки, Багави и останатите укажале на обврзувачкото искажување љубов кон Ехли бејт. Шафи’и во стиховите кои се пренесувани од него исто така укажува на тоа. Тој вели: „О Семејство на Божиот Пратеник, љубовта кон вас е… фарз од Аллах во Кур’анот објавен.“[2]
Фахруддин Ер-Рази вака ја докажува обврската за искажување на љубов кон Ехли бејт:
Нема сомнение дека Пратеникот с.а.в.а. ги љубел Алија, Фатима, Хасан и Хусејн, мир со нив. Врз основа на тоа, тоа дело е ваџиб, односно обврска за целосниот уммет, бидејќи
Господарот рекол:
وَاتَّبِعُوهُ لَعَلَّكُمْ تَهْتَدُونَ.
Следете го него – за да бидете на Вистинскиот Пат![3]
Исто така Возвишениот рекол:
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ.
Вие во Аллаховиот Пратеник имате прекрасен пример.[4]
Од сите ајети кои зборуваат за наградата на Пратеникот с.а.в.а доаѓаме до заклучок дека тој не побарал од муслиманите никаква материјална или нематеријална награда која ќе му се врати нему самиот. Ако по Божја наредба и побарал од луѓето да искажат љубов кон неговиот Ехли бејт како награда за своето пратеништво, тоа всушност им се враќа ним самите.
قُلْ مَا سَأَلْتُكُم مِّنْ أَجْرٍ فَهُوَ لَكُمْ إِنْ أَجْرِيَ إِلَّا عَلَى اللَّهِ.
Кажи: „Каква било награда да побарам од вас, нека ви остане вам, мене Аллах ќе ме награди.“[5]
[1] Еш-Шура, 23.
[2] Es-Savaiku-l-muhrike, стр. 217.
[3] Ел- А’раф, 158.
[4] Ел-Ахзаб,21.
[5] Саба’,47