[vc_row][vc_column][vc_column_text]
СЛЕДЕЊЕ НА ЕХЛИ БЕЈТ
Прашање: што може да се заклучи од хадисот Секалејн?
Од хадисот Секалејн лесно може да се заклучи дека следењето на Ехли бејт е обврзувачко бидејќи, според тој хадис, избавувањето на умметот од застранување ќе зависи од цврстото придржување кон Божјата Книга и Претениковиот с.а.в.а., Ехли бејт. Цврстото придржување значи „да се фатиме“ за нив, а „фаќањето“ за Кур’анот се огледува во спознавањето на кур’анските наредби и нивно следење. Истото е и со „фаќањето“ за Ехли бејт, односно, прво треба да се спознаат наредбите, а потоа, да се спроведат во дело.
Ајет за улу-л-емр (поседници на заповедот)
Во ајетот улу-л-емр Господарот го направил обврзувачко покорувањето Нему, на Неговиот Пратеник и на улу-л-емрот (поседници на заповедта)
يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ.
О верници, покорувајте Му се на Аллах и покорувајте му се на Пратеникот и на оние ваши луѓе кои се поседувачи на заповедта.
Со оглед на тоа дека, поседниците на заповедта (улу-л-емр) се поврзани (со сврзник) со Божјиот Пратеник, а не се повторува глаголот покорувајте се, станува јасно дека мерилото за обврзувачко покорување на поседниците на заповедта (улу-л-емр) е она исто мерило според кое е обврзувачко покорувањето на Божјиот Пратеник с.а.в.а., а покорувањето на Божјиот Пратеник с.а.в.а е обврзувачко поради тоа што тој е водач кого Бог го одредил и поседува положба на безгрешност. Ако тој не е безгрешен, тогаш нема да биде безусловно обврзувачкото покорување нему. Ист е ситуацијата кога се во прашање поседниците на заповедта. Со оглед на тоа дека тие поседуваат положба на безгрешност, во ајетот покорувањето кон нив е заповедано на апсолутен начин.
Според тоа, ајетот кој зборува за поседниците на заповедта (улу-л-емр), покрај тоа што упатува на безгрешноста на личностите кои ќе го наследат Пратеникот с.а.в.а. во водењето на исламското општество, упатува и на обврзувачко покорување на нив.
Од друга страна, ајетот за прочистување и преданијата врзани за него објаснуваат кои се поседниците на заповедта. Тие се, како што веќе е кажано, личностите под наметката – Асхаби Киса’. Според тоа, покорувањето на Пратениковиот безгрешен Ехли бејт како на личности кои го презеле на себе упатството и водството на исламскиот уммет после Пратеникот с.а.в.а е обврзувачко.
Хадисот Сафине
Хадисот Сафине исто така упатува на обврска за следење на Ехли бејт а.с бидејќи во тој хадис Пратеникот с.а.в.а. го споредува Ехли бејт со Нуховата арка. Кој ќе се натовари на неа, ќе биде спасен, а кој ќе се спротивстави, ќе настрада.
Ибн Хаџер Ел-Мекки рекол: „Причината са споредување на Ехли бејт со Нуховата арка е следниот: Кој и да ги сака нив од благодарност кон оној кој е причината за нивната чест, с.а.в.а.ќе ги величал, го зел упатството од нивните научници и го применил во животот, ќе биде спасен од темнината на разединувањето, а кој и да им спротивстави нив, ќе страда во морето на порекнување на благодатта и ќе падне од карпите на непокорноста.“ Тој, за синџирот на пренесувачи на хадисот Сафине рекол: Овој хадис е пренесен по различни патишта, при што некои од нив ги зајакнуваат другите.[/vc_column_text][/vc_column][/vc_row]