Веровесништво и пратеништво
Зборот ресул има значење ’’носител на порака’’, а зборот небијј, ако е изведен ок коренот небе’е, има значење ’’поседник, имател на важна вест’’, а ако пак е изведен од коренот небеве, тогаш значи ’’оној кој има возвишена и одбрана позиција’’.
Некои претпоставиле дека зборот небијј има поопшто значење од ресул, со објаснување дека небијј е оној на кому му стигнала Објава од страна на Бога, било да е должен да им ја достави на другите или да не е должен да го направи тоа, додека ресул означува личност која имала должност за доставување на Објавата. Меѓутоа, ова тврдење не е исправно заради тоа што во некои кур’ански ајети атрибутот небијј доаѓа после атрибутот ресул. Сепак, врз основа на наведеното објаснување, би требало прво да се спомне атрибутот што е поопшт, односно, небијј, па дури потоа ресул. Освен тоа, немаме аргумент дека само на ресулите им припаѓала должноста доставување на Објава. Во некои преданија се вели дека позицијата нубуввет бара оној што е небијј во сон да го види мелекот на Објавата, а во будна состојба само неговиот глас да го слуша, додека имателот на позицијата рисалет можел да го види мелекот на Објавата и во будна состојба. Меѓутоа, оваа разлика не можеме да ја засноваме на појмовното значење на овој збор, а во секој случај тоа што може да се прифати е тоа дека небијј од гледна точка на примерите (не од гледна точка на поимот) е поопшт од ресул. Тоа значи дека сите Пратеници ја имале позицијата веровесништво (нубуввет), а позицијата пратеништво (рисалет) им припаѓала само на една група, а во склад со веќе спомнатото предание, нивниот број изнесува 313. Природно е позицијата да им е поголема од позицијата на другите небијј, исто како што и самите Пратеници (ресул) во поглед на позицијата и доблестите не биле еднакви, имено, некои од нив се почестени и со позицијата Имамет.